Kuifie, Bosgod en die Administrateursbeker
Span van 1975 by Hoërskool Nelspruit byeen om foto van Kuifie saam met Kuifie te neem.
Min mense sal hom op die spanfoto herken. Hoe dan anders? Hy sit daar met ’n yslike baard en die foto is 50 jaar gelede geneem.
Sy bynaam was Bosgod, weens ’n welige baard.
Vandag ken Middelburgers vir Conrad Stoltz as marathonatleet, fietsryer, skeidsregter en onderwyser.
Hy geniet tans sy aftrede maar neem steeds aan wedlope deel.
Hy was hulpafrigter van die Hoërskool Nelspruit span wat in 1975 die Administrateursbeker met Helpmekaar gedeel het. Die telling was drie elk.
Ongelukkig kan Stoltz nie die reünie bywoon nie, as gevolg van ander verpligtinge.
Hy woon ook die 65 jaar reünie by van Hoërskool Vanderbijlpark.
Die hoofafrigter van die Nelspruit span was Daan (Kuifie) van Rensburg.
Daardie jaar het Hoërskool Nelspruit die meeste drieë in die Administrateursbeker gedruk en ’n bussie gewen. Die bussie is opslag Kuifie gedoop en tot vandag toe ry Nellies se leerlinge in ’n bus met die naam Kuifie.’
Stoltz sê sedert 1975 het die eerste rugbyspan eerste keuse gehad om in Kuifie te ry.
Die 1975 span kom vanoggend bymekaar by die skool en daar gaan spesiaal van Kuifie ’n foto saam met Kuifie geneem word.
Die eindstryd teen Helpies was nie die enigste waar Stoltz betrokke was nie. In 1972 het Nellies gelykop gespeel teen Afrikaans Hoër Seunskool in die Administrateursbeker en sy o/15 span het ook in ’n eindstryd verloor.
