Video: Die reënseisoen het pas begin!
Die reënseisoen het pas begin en is almal sommer lus om in die reën te gaan dans!
Die ‘oumense’ het altyd gesê dat dit ’n nat seisoen gaan wees as dit begin reën ná 10 Oktober – die verjaardag van president Paul Kruger!
Die reënweer laat hom egter nie voorskryf nie en het die koel luggie gisteraand die druppels sterk aangedra Middelburg se kant toe.
In die middernag het ons al lus gehad om: “Rain…rain…rain…rain, keep on falling!” te sing en ‘n paar het sommer, “Al die veld is vróóólik!” geneurie!
Die lekkerste was die vars lug vanoggend nadat die reën die ergste stof afgewas het en die groot reëndruppels wat van die blomme en blare afgedrup het.
In Middelburg is tussen 18mm en 20mm reën deur die loop van die nag gemeet en op Hendrina is 11mm gemeet.
Die sonnetjie het in die oggend ‘n paar keer sy kop uitgesteek, maar daarna het dit weer toegetrek en vir die res van die nat middag.
Motoriste het van oraloor laat weet dat dit in en om Middelburg gestortreën het en dat sig swak en paaie nat was.
Volgens die weervoorspelling gaan die son weer teen more deurbreek. Dinsdag en Woendsag is dit koel, maar ’n sonnige, warm dag word vir Donderdag voorspel.
@middelburgobserver The rainy season has officially arrived! Middelburg woke up to a thunderstorm and showers on and off until 16:00 today (September 29). Everyone enjoyed the fresh air and smell of rain. RainSeason, Thunderstorm, WeatherForecast, MiddelburgObserver
