Gaan Bismarck du Plessis dalk weer sy rugbystewels nadertrek vir ’n laaste wedstryd in blou?

Of kan Conrad Breytenbach op sy “jeugdige” ouderdom dalk weer in die nommer nege trui gesien word?

Die Bulle se legendes span gaan herleef .

Die veteraan slot en afrigter, Nico Luus, is reeds besig om planne agter mekaar te kry, vir die Bulle se kragmeting teen die Cheetahs op 26 Oktober in Bloemfontein.

Die man wat altyd ’n plan het, Willem Strauss, is die dryfveer agter die span se herlewing.

Spelers van 35 jaar en ouer wat twee jaar laas mededingende rugby gespeel het, sal vir die span in aanmerking kom.

Die Vrystaters se afrigter, Frans Steyn, kan dalk self nog ’n paar jonger manne wys hoe moet jy rugby speel.

Strauss sê rugby is nie meer soos in die ou dae waar spelers na hulle professionele loopbaan by die spel betrokke bly nie. Indien hulle nie by afrigting betrokke is waar hulle betaal word nie, verdwyn hulle van die rugby landskap af.

Daar word gehoop dat die legendes langer by rugby betrokke sal hou.

Die wedstryd gaan direk op SuperSport uitgesaai nword.