Mens kom nie tussen ’n man en sy braai nie.

Dit is duidelik uit WhatsApp boodskappe wat sirkuleer op plaaslike veiligheidsgroepe dat geen moeite ontsien sal word, deur ’n man wie se braaier gesteel is.

Daar word sedert gisteraand gesoek na ’n braaier.

Die eienaar sê die braaier was agter op sy bakkie toe dit verdwyn het.

Die braaier is tussen 18:00 en 19:00 gisteraand van die bakkie af gegaps.

Die bakkie was buite Battery Pro in Cowen Ntulistraat geparkeer.

Iemand moes iets gesien het want ’n dief met ’n braaier moet die aandag trek.

Indien jy iets gewaar het, skakel dan 083 569 1588.

Plaaslike pandwinkels en skrootmetaalwerwe word ook gevra om op die uitkyk te wees.