Die lewensviering van die gewese Comrades goue medalje wenner, Rudi du Plessis (56), word op 16 Oktober, om 13:00, in die peerboord op Kaapse Hoop gehou.

Hy is Woensdag by sy huis in die bergdorpie, vermoedelik aan ’n hartaanval, oorlede.

Voordat hy hom in die sakewêreld begeef het, was hy ’n onderwyser by Laerskool Middelburg.

Die laaste klompie jare het hy skopfietse uitverhuur waarmee hy en  besoekers die omgewing se skoonheid ontdek het.

Rudi het in die 1993 Comrades Marathon in die kleure van Ngodwana vyfde geëindig in ’n tyd van 5:52;21. In dieselfde wedloop was die gewese HTS Middelburg onderwyser, Deon Holtzhausen agtste in 5:52:29.

*Op die uitnodiging na die lewensviering staan daar “ bring asseblief ’n sambreel, kampstoel en piekniekkombers, skoene is opsioneel”.