Maggie Smit (42), het nog ’n lang herstelpad, nadat sy hard geval het tydens die RideJoburg-fietswedren deur die strate van Johannesburg.

Nadat sy Sondag, byna twee weke gelede, in die intensiewe sorgeenheid van die Netcare Garden City Hospitaal opgeneem is, is daar egter daagliks ’n verbetering in haar toestand.

Na twee operasies aan haar gesig, is die goeie nuus dat sy uit die intensiewe sorgeenheid na ’n algemene  saal oorgeplaas is.

Haar man, Johnny, wat ook voorsitter is van Middelburg Fietsryklub, sê “daar was meer werk aan haar neus as wat die dokter gedink het”.

Die afgelope paar dae is die gesin oorlaai met omgee en liefde, van mede-fietsryers van veral Middelburg Fietsryklub.

Maggie het hard geval, nadat sy oor ander fietsryers voor haar geploeg het. Sy is per ambulans na die Garden City Hospitaal afgevoer, nadat sy haar bewussyn op die  toneel verloor het.