‘n Bejaarde man, wat behandeling ontvang het by die hospitaal, het per ongeluk die petrol getrap in plaas van die rem, waarna sy Landrover van binne die Middelburg Hospitaal se perseel deur die muur gery het.

David Ross, van die Traffic Alert-groep, is op die toneel en het vertel dat die voertuig met die impak op sy sy beland het.

Die man wat die voertuig bestuur het, is per ambulans weggeneem. Dit is op hierdie stadium onduidelik of hy na die Life Midmed Hospitaal of die Middelburg Hospitaal geneem is.