KYK: Trokdrywer beseer na trok omslaan
'n Trokdrywer het ligte beserings opgedoen in 'n vroegoggend ongeluk op die N11.
‘n Trok het vanoggend omstreeks 05:00 sowat twee kilometer voor Pullenshope op die N11 (Hendrinapad) omgeslaan.
Na wat verneem word het die trokdrywer ligte beserings opgedoen en is met ‘n provinsiale ambulans Middelburg Hospitaal toe geneem.
Dit is nog onduidelik presies wat gebeur het, maar daar is diep slote langs die pad weens padwerke en die trok het op sy kant in die sloot te lande gekom.
Nico van Vuuren (van Mid Towing Insleepdienste) is op die toneel en meld dat verkeer nie tans beïnvloed word met die ongeluk nie. Motoriste word net gemaan om stadiger te ry in die omgewing van die ongeluk, omdat die trok uitgesleep sal word sodra ‘n ander trok opdaag om die vrag oor te laai.
@middelburgobserver Truck accident on the N11 Hendrina road, about 2km from Pullenshope (12 November 2025). The truck is lying on its side next to the road. Driver of truck taken to hospital. Recovery team on scene, traffic not affected at this stage. Hendrina, N11, TruckAccident, ArriveAlive
