Inwoners kan daardie ou fiets wat onder stof vergaar, gaan uithaal en in liggies optooi.

Die Middelburg Fietsryklub hou Vrydagaand, 21 November, sy jaarlikse gewilde liggierit vanaf die Hervormde Kerk Noord Gemeente in Vygiestraat.

Daar sal voor die wegspring koffie en koeldrank beskikbaar wees, wat deur die gemeente voorsien word.

Daar word 15 kilometer deur Kanonkop en Dennesig se strate gery.

Boonop baat die dorp se kinders elke jaar by die liggierit.

Hierdie jaar is dit Umephi huis in Aerorand wat die begunstigdes is.

Babaprodukte van enige aard kan na die wegspring geneem of vooraf by B2 Cycleworks  afgelaai word.

Die huis het oor die jare  ’n veilige hawe geword vir weggooi babatjies en geskenkte items sal voor die wegspring aan die babahuis oorhandig word.