Hoërskool Middelburg waarsku ouers om nie te val vir ’n swendelaar se storie op Facebook dat Middies nuwe skooldrag het en dit by hom/haar gekoop kan word nie.

Die mediawoordvoerder van die skool, Charlene Booyens, het bevestig dat hul skooldrag beslis nie verander nie en dat ouers versigtig moet wees vir sekere persone wat tweedehande klere op Facebook verkwansel.

Dit is duidelik gemaak dat net die drie genoemde verskaffers wat sy op ’n advertensie op die Facebookblad van die skool geplaas het, goegekeurde verskaffers is.