Die Spanjaard Eugenio Chacarra is na die tweede dag van die Dunhill gholfkampioenskappe by Royal Johannesburg steeds die voorloper met verskeie Suid-Afrikaners wat in sy nek blaas,

Na die tweede rondte, in perfekte weer, het Oliver Bekker op die telbord ’n goeie sprong gegee, met ’n -5 vir die dag en -11 vir die toernooi, teenoor Chacarra se -15.

Hy is een van die spelers wat met vier houe agter die Spanjaard is.

Na ’n sukkel begin het Aldrich Potgieter skielik vlamgevat en die dag op -8 afgesluit.

Mens kry die gevoel dat Potgieter net bietjie geluk nodig het om te ontplof.

Dit kan vir ’n interessante laaste twee dae sorg met die toernooi wat Sondag afsluit.

Ruan Korb het een oor die vir die dag gepeel maar is steeds op -3.

Die Nelspruiter, Thriston Lawrence, gesels ook nog saam en is op -9.

Die vraag is of ’n Suid-Afrikaner die week met die louere gaan wegstap of gaan Chacarra soos die Noorweër, Kristoffer Reitan, by Cun City, met die louere wegstap.