Minette Bouwer en Ansu Morgan het hierdie jaar besluit dat hulle dinge ‘anders’ wil doen tydens hul besoek aan die Middelburg Care Village se liggiefees.

“Die liggies op Mianike Luvé Retief (3) se driewiel en Joné Morgan (drie maande oud) se stootwaentjie het oral aandag getrek. Daar het soveel mense gevra dat ons moes stop vir foto’s. Dit was baie oulik, maar tog ook so ‘n mooi boodskap wat ons graag daar buite sal wil kry,” sê hulle.

“Tussen al die liggies, lag en pret, was daar ’n dieper boodskap. Soos Mianike en Joné se liggies helder geskyn het en mense laat stilstaan het om iets anders raak te sien, só word ons ook geroep om Jesus se lig te laat skyn waar ons gaan. Om nooit op te hou glo in ons eie lig nie, maar om dit te gebruik sodat ander deur ons Jesus kan raaksien. Mag ons hierdie Kersfees onthou waaroor dit regtig gaan, nie net die liggies wat ons sien nie, maar die Lig wat in ons leef.”

@middelburgobserver

‘n Kleuter se driewiel met liggies en haar babasussie se liggie-stootwaentjie het die aandag getrek by Middelburg Care Village se liggiefees. MiddelburgCareVillage, LightsFestival, MiddelburgObserver

♬ original sound – MiddelburgObserver – MiddelburgObserver