Destiny, ’n asgrys katjie en voormalige pleegkat van Feral Care Friends, is gister in Viljoenstraat, Groenkol, naby HTS Middelburg gesien.

Volgens pleegmamma, Charmain, is Destiny ’n bang en sku katjie wat waarskynlik sal wegkruip of weghardloop as iemand haar probeer nader. “Sy is met soveel sorg grootgemaak. Sy het ’n baie spesiale plek in my hart. Ons moet haar kry voordat sy te ver dwaal en nie weer haar huis kan vind nie,” het sy gesê.

Destiny is onlangs in haar nuwe tuiste verwelkom voordat sy weggeraak het.

Die grootste bekommernis is dat sy, weens haar skugter geaardheid, moontlik in ’n tuin, onder ’n voertuig of in ’n stoorplek kan wegkruip. In ’n poging om haar veilig terug te bring, sal daar selfs ’n vanghok in die omgewing gestel word, as die katjie gesien word.

Inwoners van Viljoenstraat en omliggende dele van Groenkol word dringend versoek om hul erwe, motorhuise en onder voertuie deeglik na te gaan.

As enige iemand vir Destiny sien, kontak Charmain by 065 582 2860.

Feral Care Friends beywer hulself vir die versorging, sterilisasie en versorging van wilde katte in Middelburg en is afhanklik van gemeenskapsamewerking in noodgevalle soos dié.