Middelburg se Wingchicks is uit die Cape Epic bergfietswedren.

Gister se skof, wat by Coetzenburg op Stellenbosch begin en geëindig het, met 2450m klim en 76km se trap, het nie goed afgeloop vir Sanet Griesel en Thiesa Janse van Rensburg nie.

Tydens die skof het Thiesa al sieker geword en wou by die laaste waterpunt handdoek ingooi, maar daar was nie hulp om haar by die eindpunt te kry nie.

Sy moes elke greintjie krag inspan, om tot by die einde te vorder, maar kon nie vanoggend met die sesde skof wegspring nie.

Sanet het die skof alleen voltooi.

Die bekende wiskunde onnie het gesê sy beplan om more weer alleen te trap, al is dit individueel en nie as die Wingchicks span nie.

Die sewende en laaste skof is net 58km met ’n 2150m klim.