Wit word beskou as ’n simbool van suiwerheid, vrede, en eenvoud…

Miskien is dit waarom die herstelde kindergraffies so hartroerend is.

Uit die woede en hartseer het daar wit graffies verrys.

Wit, die simbool van suiwerheid en vrede.

Die ouers wat Maandag in soveel pyn was weens die vernietiging se harte juig.

Nie net is die stukkend geskopte graffies herstel nie, maar op die graffies is daar nou mooi wit klippies.

Die hele kinderbegraafplaas is ook skoon en netjies gemaak.

Sjoe, aangrypend spesiaal.

Maureen Haynes van Mid-Oos Grafstene het ’n video gedeel van hulle prysenswaardige handewerk.

Miskien, dalk miskien, word die twee grafskenders se swart harte ook na wit verander.

Miskien kom hulle na vore en vra verskoning vir hulle dade.