Die nuwe ligte by Hoërskool Middelburg se krieketveld is volgens mnr. Junior van Niekerk van Nashua die eerste in Suid-Afrika.

“Ek hoop ander skole kan leer wat ons hier op Middelburg doen,” het hy gesê.

“Hierdie is nie ’n vennootskap nie, maar ’n familie wat ons op Middelburg gestig het.”

Hy het die hoop uitgespreek dat die projek nie ’n golf gaan wees nie maar “’n tsoenami”.

Die ligte is die enigste op skolevlak en volgens mnr. Van Niekerk bespaar dit tagtig persent op elektrisiteit “weens Lumens wat die lig maak”.

“Dit is nie soos ander spreiligte wat wanneer een afgaan al die ligte afgaan nie. Een kan afgaan en dan sê hy weens die smart tegnologie vir die ander ligte, ek is bietjie moeg, jy moet helderder skyn.”