Wanneer Loskopdam se golwe jou bang maak, weet jy Moeder Natuur wys sy kwaai kant.
Hengelaars wat aan die Loskopdam Classic-hengelkompetisie deelgeneem het, moes Vrydagaand toekyk hoe hulle bote oorstroom toe die dam in ’n rowwe tuimeldroër verander het weens ’n stormsterk wind.
Maar soos dit met Suid-Afrikaners gaan, braai hulle al is dit donderweer en blitse en wanneer hulle wil hengel, keer niks hulle nie.
607 Hengelaars het weggespring
Saterdagoggend, net voor sonsopkoms, het die 607 hengelaars weggespring vir die dag se kompetisie.
Dit was ’n indrukwekkende gesig om te sien hoe die bote oor die dam swiep.
Volgens organiseerder, Nico Zaayman, het die storm geen skade aangerig nie en dit het net so vinnig bedaar soos wat dit toegeslaan het.
Daar is Vrydag 14 mm in Dennesig gemeet en Sondag 20 mm.
Volgens AccuWeather kan Middelburgers nog vandag reën verwag en die temperature bly laag. Dinsdag is dit steeds koud en bewolk, maar daar is maar ’n 15%-kans op donderstorms. Teen Woensdag begin die kwik styg en vanaf Donderdag word dit weer lekker warm met somersweer wat die naweek verwag word.
