Fisanti begin vir Pumas
Stonehouse wys sy hand vir Saterdag se Curriebeker-eindstryd teen Griekwas.
Die ervare Puma-afrigter, Jimmy Stonehouse, het die skitterende Ntsika Fisanti na sy beginspan bevorder vir Saterdag se Curriebeker-eindstryd in Kimberley.
Fisanti het, toe hy verlede week teen die Vrystaat-Cheetahs opgekom het, onmiddellik ’n verskil gemaak.
Thabo Ndimande skuif na die plaasvervangerbank.
Die hoogaangeskrewe Ruwald van der Merwe is steeds op die bank met die jong André Goedhals wat sy plek aan die kant van die skrum behou.
Stonehouse verwag ’n groot aanslag van die Diamantvelders in die vaste fasette en daarom is Etienne Janeke ook op loskop by die beginspan ingesluit.
Daar is net twee agterspelers op die plaasvervangerbank.
Die Pumas gaan poog om hulle tweede Curriebekertitel te wen met Griekwas wat die verdedigende kampioene is.
Afskop is om 15:00 in Kimberley.
Pumas: Jaycee Nel, Darren Adonis, Sango Xamalashe, Wian van Niekerk, Banie Britz, Clinton Swart, Thomas Bursey, Willie Engelbrecht (k), André Goedhals, Ntsika Fisanti, Tiaan de Klerk, JJ Scheepers, Sampie Swiegers, Chyle van Zyl, Etienne Janeke. Plaasvervangers: Gustav du Rand, Zukisa Sali, Junior Banda, Stephan Krugel, Ruwald van der Merwe, Thabo Ndimande, Tino Swanepoel, Russwill Fredericks.
