Hoe laat waai die televisiekommentators altyd wanneer ’n doel aangeteken word? “Goalllll!”

In die Tromp-huishouding het dit ook so weerklink toe Anja Tromp haar eerste doel vir die Proteahokkiespan aangeteken het.
Die Middelburger het haar buiging teen Namibië gemaak en asof die hoogtepunt nie goed genoeg was nie, het sy ook ’n doel geskiet.

Haar pa, dr. Dewald Tromp, het in ’n sosialemediaplasing gesê: “Well done, Spikkel. Jou eerste internasionale doel!”

Anja is by die Binnenshuise Proteahokkiespan ingesluit vir ’n toetsreeks teen Namibië.

Sy het Suid-Afrika verlede jaar by die o. 21 Junior Wêreldbeker in Santiago, Chili, verteenwoordig, was in Laerskool Middelburg en het in 2023 aan die Hoërskool Menlopark gematrikuleer.

Haar hokkieloopbaan het by The Hockey Farm op die ou Witbankpad begin, wat ’n groot aandeel in haar sukses gehad het.
Sy het reeds op laerskool vir die Mpumalanga A-span gespeel en was ook ’n staatmaker in die Northerns Blues- provinsiale hokkiespan en die SA Skole o. 18 A-span.