Mosselbaaise inwoners teken petisie teen moordverdagte se borgtog

Desmond Share van Hartenbos is vroeër vandeesmaand as vermis aangemeld. Sy lyk is dae later in Albertinia gevind.

August 15, 2023
Louise Karsten 1 minute read
Desmond Share (53).

Inwoners van Mosselbaai het ‘n petisie geteken teen borgtog vir die verdagte in die Desmond Share (52) moordsaak.

Die 30-jarige Shadreck Mhetu sal vanoggend sy tweede verskyning in die Mosselbaai-landdroshof maak op aanklagte van moord, ontvoering en kaping.

Share is op Dinsdag 1 Augustus deur sy familie as vermis aangemeld nadat hy die oggend Herbertsdale toe was om werk te doen.

Sy liggaam is op Saterdag 5 Augustus tussen bosse naby Albertinia gevind. Die oorsaak van sy dood is nog nie bekend nie. Share se wit Ford Ranger is ná wat verneem word steeds, vermis.

Mhetu is in Du Noon in Kaapstad deur die polisie in hegtenis geneem. Nog drie verdagtes, wat met Share se moord verbind kan word, is steeds op vrye voet.

Hy sal vandag om borgtog aansoek doen.

Read original story on www.mosselbayadvertiser.com

At Caxton, we employ humans to generate daily fresh news, not AI intervention. Happy reading!
August 15, 2023
Louise Karsten 1 minute read

Support local journalism

Add The Citizen as a preferred source to see more from Network News in Google News and Top Stories.

Add as a preferred source on Google
Follow on Google News

Andrea van Wyk

Caxton’s Digital Editorial Manager. I am a journalist and editor with experience spanning over a decade having worked for major local and national news publications across the country and as a correspondent in the Netherlands. I write about most topics with a special interest in politics, crime, human interest and conservation.
Back to top button