Ichthus het rede om baie dankbaar en verheug te wees oor die wonderlike prestasies van die nasionale atletiek die naweek van September 26 en 27.
Sestien atlete van Ichthus Christelike Skool het aan die Nasionale Christelike Skole Atletiekkampioenskappe (SACSSA) by die Pilditch Stadion deelgeneem. Baie dankie aan elke leerling wat hulle bes gedoen het en aan die ouers en personeel wat hulle so pragtig ondersteun het! Alle eer aan ons Hemelse Vader!
Baie geluk aan Siphume Ntombela (seuns 0/9 80m en turbo spiesgooi), Hamish Grierson (seuns 0/11 hoogspring en turbo spiesgooi), Vukile Buthelezi (seuns 0/13 hoogspring,verspring en diskus) en Jan-Frederik van Zyl (seuns 0/13 gewigstoot, diskus en spiesgooi) wat vir hulle SACSSA-kleure gekwalifiseer het. Hulle sal as deel van die SACSSA-span op Saterdag, Oktober 25 by ‘n klub-atletiekbyeenkoms in Pretoria deelneem.