Op Dinsdag, 26 Augustus het Hoërskool Volksrust se leerlinge deelgeneem aan die interskole musiekfees by Hoërskool Hoogenhout in Bethal.
Hoërskool Hoogenhout het hulle uitstekend van hulle taak gekwyt in hierdie jaar waar dit hulle beurt was om die interhoër atletiek, redenaars en musiekfees aan te bied. Bykans al die skole van die interhoërgroep was verteenwoordig.
Skole het oorwegend koorwerk aangebied in hulle programme, maar Volkies het nie vanjaar ‘n koor gehad nie, weens die blyspel wat aangebied is. Hoërskool Volksrust het egter solo’s deur Tisha Willemse op die fluit en tjello en KD Steyn op die tjello gebied. Anerieke la Cock het ‘n pragtige Spaanse dans gelewer.
Die hoogtepunt van die aand was twee kort grepe uit die blyspel, Once upon a time in New Jersey. SW van Wyk en Conrad Nortje het How’d you like to be me gesing, terwyl Tisha Willemse en Edrei du Toit Spaanse Danse gedoen het en die drie Ettas, Charne Engelbrecht, Stephanie van Deventer en Jessica Pieterse, hulle danspassies vertoon het. Daarna het Carlien Senekal en Conrad Nortje ‘n pragtige duet gesing, I always knew it was you, terwyl Carlien ook ballet het.
Baie geluk aan elke Volkie vir die puik optrede. Die skool se diversiteit was duidelik sigbaar en Volkies se leerlinge het weer eens bewys dat hulle besonders is in hulle optrede en hul “optrede”.
