Vier van die vyf seuns van Ichthus Christelike Skool, wat vir die tweede rondte van die Umzinyathi atletiekbyeenkoms gekwalifiseer het, het die afgelope naweek in Durban deelgeneem. Die skool is baie trots op hulle pragtige uitslae!
Jan-Frederik van Zyl (S O/13): spiesgooi – eerste (40,53m); gewigstoot – vierde (9,13m); diskus – tweede (27,76m). Vukile Buthelezi (S O/13): Hoogspring – vyfde (1,39m); spiesgooi – vyfde (28,50m). Andrew Tiley (S O/12): gewigstoot – sesde (8,59m). André Spies (S O/12): spiesgooi – negende (21,00m).
Baie geluk aan Jan-Frederik van Zyl, wat vir die SA-atletiekbyeenkoms in Paarl (Wes-Kaap) gekwalifiseer het. Hy sal dan op Maart 21 en 22 daar gaan deelneem.
Pick ‘n Pay Kunskompetisie
Andrea Oosthuizen het verlede jaar aan ‘n kunskompetisie deelgeneem wat deur Pick ‘n Pay geloods is. Die tema was ‘Vervoer in Suid-Afrika’. Volgens Pick ‘n Pay was die doelwit kommersiële vervoer, en omdat haar tekening baie uniek was en vervoer in die natuur uitbeeld, het hulle besluit om vir haar ‘n spesiale prys te gee. Andrea het ‘n miskruier geteken wat sy misbal in die pad afrol. Andrea se skets is in Pick ‘n Pay se 2014 kalender opgeneem. Ichthus wens Andrea geluk met hierdie pragtige prestasie!