‘n Brand woed van vroeër vanmiddag af langs die R500  (Parys/Fochville-pad) by Smilin Thru waar die vlamme reeds skade aan van die grasdak geboue op die perseel aangerig het.

Volgens Fanie Kruger van Security Master, het hulle die noodroep na 14:00 vanmiddag ontvang. Naas Security Master is die brandweer, die private brandweervoertuig van Thinus Jacobs,  boere en vrwilligers tans op die toneel om hulp te verleen met die vlamme wat versprei het na moeilik begaanbare terrein.

Daar word steeds gespook om verdere skade aan die geboue te probeer keer, en het eienaar Lee-Ann le Roux, haar dank betuig teenoor elkeen wat hulp verleen het.

• Pieter Slabbert (58), ’n loodgieter van Fochville, het Vrydagmiddag tragies in ’n veldbrand naby die Crocodilian Hotel en Restaurant gesterf, Die  hewige veldbrand, wat kort na 14:00 naby Greenspark ontstaan het, het as gevolg van sterk wind versprei en oor sowat vyf kilometer beweeg met verskeie plase wat deur die brand bedreig was.