Nog vier sluishekke sal vanoggend by Vaaldam oopgemaak word wat dan sal beteken dat daar sewe sluishekke in totaal oop sal wees.

So sal die sluishekke oopgemaak word:

Sluishek 4 – 10:00

Sluishek 5 – 11:00

Sluishek 6 – 12:00

Sluishek 7 – 13:00.

Status quo sal egter steeds vandag by Bloemhofdam gehandhaaf word en sal water teen 1 002,3 kubieke meter per sekonde uitgelaat word. Bloemhofdam staan nou op 103,23%

Vaaldam staan nou op 104,7%%. Invloei by die dam word gemeet teen 1 220,7 kubieke meter per sekonde en uitvloei teen 325 kubieke meter per sekonde.

Barrage se uitvloei is vanoggend om 07:00 gemeet teen 392,8 kubieke meter per sekonde.