Frieda Claassen het op 30 Maart haar 87ste verjaardag gevier. Menige Parysenaar onthou nog die smullekker geregte wat Frieda oor jare gemaak het.

Sy het destyds Byenes-tuisnywerheid in die dorp begin, en ook Daintybess gehad wat vroeër jare in Kortstraat was.

Frieda bly haar lewe lank in Parys, en is tans in Sally Martin Park gevestig.

Sy is op die plaas Groot Eiland gebore, en vertel hoe die dorp oor jare gegroei en verander het. Van die mooiste herinnering wat sy van die dorp het, is die dae toe mense nog van oral gekom het om by die Mimosa Tuine vakansie te hou, en gereelde byeenkomste wat by die Feesgronde gehou is voor die vestiging van die Parys Golf & Country Estate.

Al vier haar kinders is in Parys gevestig, en spog sy met nege kleinkinders en 11 agterkleinders. Sy sien ook baie uit na nog drie agterkleinkinders wat op pad is.