WhatsApp-groepe lewer ‘n groot bydrae om boodskappe vinnig te versprei en ook op die manier hulp te kry. Dit is al by herhaling bewys, veral met buurtwag-groepe.
We Care vra dat wanneer boodskappe op die We Care-groepe geplaas word waar daar vereis word dat ‘n saak by die polisie geopen word, (soos met vermiste persone en gesteelde voertuie), die boodskap eers privaat aan Wynand by 082 629 1553 gestuur word. Dit is sodat alle moontlike inligting eers gekry kan word en die regte hulpbronne geaktiveer en gekoördineer kan word. Wanneer dié tipe boodskappe direk op noodgroepe geplaas word, veroorsaak dit soms groot verwarring en misverstande.