Opruimingswerk van die herwinbare materiaal op die ongelukstoneel waar ‘n vragmotor vanoggend net na 05:00 op die draai by Welkom-kafee soos jy Parys binnery, omgeslaan het, is so te sê voltooi.

Die vragmotor van Triple T Transport het met die groot vrag herwinbare materiaal van Kroonstad gekom en moes dit aflaai in Parys se nywerheidsgebied by ‘n herwinningsonderneming. Hy het egter verdwaal en toe in Waterstraat beland waar hy nie sy draai in die draai kon kry nie.

Die vragmotorbestuurder is nie in die ongeluk beseer nie en geen ander voertuie was betrokke nie.

Inkomende verkeer moes sedert vroeg vanoggend hier herlei word deur die dorp.