Hierdie was nou groot pret!

Parys Primêr het Vrydag 5 Mei hul eerste Kaskarresies aangebied wat ook vanjaar saamgeval het met die jaarlikse skoolkermis.

Anders as vorige jare toe die kermis in September gehou is, is besluit om die kermis vroeër te hou ter wille van die skoolrevue wat later vanjaar gehou word, en is die formaat aangepas. Die tradisionele beeskaartjie-projek is ook vervang met die kaskarresies as fondsinsameling. Naas die kermis-lekkernye en kaskarpret was daar  allerlei klim-en-klouter verrassings vir die kinders vandag op die skool se sportterrein.

‘n Inisiatief wat beslis ‘n groot sukses was en goed ondersteun is deur die borge.

Kaskarpret is laas in Parys gesien met die Dome Adventure  fees toe kaskarresies deel was van die gewilde fees.

Foto’s: Liezl Scheepers