Trek aan jou jas, woltrui, warm broek of romp. Lekker serp om die nek, prettige mus op die kop, en selfs handskoene kan ook werk. Formeel of informeel. Die brak in tekkies en ’n  sweetpak, of die kat se snor met ’n  sigaar in ’n aandpak of aandrok. Wees die gestewelde kat, Liewe Heksie of selfs Aspoestertjie – as jy wil.
’n Aantal geskenkbewyse wag op dié wat in die kollig kom. Portrette van die legendariese Koei asook ’n  standbeeld van Koei, tesame met ander werke van die plaaslike meesters, sal tydens die geleentheid op Saterdag 5 Augustus by die Dog & Fig Home Brewery (Kopjeskraalpad net buite Parys), ten bate van die DBV opgeveil word.
Al die geskenke in die vorm van honde bederfies, toegedraai met ’n kaartjie wat aan Koei vir haar tiende verjaardag ontvang word, sal aan die diere by Parys DBV geskenk word.
Kom deel in die pret, binne of buite, langs die kampvuur. Die tafel word met geurige sop, sjerrie, heerlike tuisgebakte brode, koek en kerse gedek.
Die koste is R90 per persoon en ’n  beperkte aantal kaartjies is beskikbaar by The Trading Post in Breëstraat, Parys.
Kom kuier saam tussen 17:00 en 18:00 waarna die amptelike verrigtinge sal begin.
Vir navrae skakel John Strijdom by 082 560 8879 of Willem by Dog & Fig by 076 180 6521.