Die departement provinsiale verkeer en die polisie se taktiese reaksie-eenheid van Parys, het verlede Woensdag beslag gelê op 45 sakke perlemoen.
Twee verdagtes van onderskeidelik 47 en 25 jaar, is in hegtenis geneem.
Die arrestasie volg nadat provinsiale verkeer ’n verdagte Toyota Quantum op die N1 naby die Kroonvaal-tolhek opgemerk het.
Die voertuig was onderweg na Gauteng.
Die hulp van die polisie is ingeroep, waarop beslag op die perlemoen met ’n  totale massa van 858,6kg gelê is.
Die mans is aangekla van die onwettige besit van perlemoen, sê polisiewoordvoerder, konst. Peter Kareli.