‘n 62-jarige man is dood en twee mense is kritiek na ‘n botsing op 22 April op die N12.

“Paramedici was ongeveer 20:20 op die toneel. ‘n  57-jarige man en  60-jarige vrou moes deur die brandweer uit hulle voertuig uitgesny word. Albei is in ‘n kritieke toestand per helikopter na ‘n privaat hospitaal in Lenasia geneem. Ongelukkig was daar niks wat vir die 62-jarige man gedoen kon word nie. Hy dood is op die toneel verklaar,” het Ross Campbell, ER24 woordvoerder  in ‘n verklaring gesê

Volgens hom is drie ander mense ook tydens die ongeluk beseer.

Die drie ander pasiënte is behandel  waarna hulle deur ander ambulansdienste na die Potchefstroom hospitaal geneem is.

Die polisie en plaaslike verkeersdienste was byderhand om verdere ondersoek in te stel.