“Bid asseblief vir ons Ma, sy het elke gebed nodig.”
Só het familie van die 63-jarige Kobie van der Merwe die naweek gevra nadat sy Saterdagoggend baie ernstig in ‘n motorongeluk beseer is.

Sy was onderweg na haar sussie, Elbe Ferreira, in Parys, toe haar motor die pad verlaat het. Elbe is bestuurder by die Najaarsrus Tehuis vir Bejaardes.
Kobie was Vrydagaand nog aan diens as verpleegkundige by die Neo Natale eenheid by Vereeniging Medi Clinic. Sy het na haar terugkeer van Saodi Arabië waar sy vir jare verpleeg het, gereeld by verskeie Medi Clinic hospitale afgelos as verpleegkundige.
Kobie word vandag van die Emfuleni-hospitaal in Vanderbijlpark oorgeplaas na Cormed waar sy geopereer sal word sodat dokters kan probeer om die drukking op haar spinale koord te verlig. Sy is sedert die ongeluk verlam.