‘SA Skole Sport Sterre’ het aan die einde van 2021 die top 10 atlete in die land vir primêre skole aangekondig, en twee van Parys se baan- en veldatlete is met sterstatus bekroon.

Die twee skoliere van Parys Primêre Skool, afgerig deur Chanel Gerber, beklee nou top posisies op die landwye ranglys vir hulle prestasies: Zuan van Riet beklee die eerste posisie op die ranglys vir so.10 met ‘n tyd van 11.22 sekondes in die 70m hekkies.

Wian Pretorius is in die vierde posisie op die ranglys vir so.10 met ‘n tyd van 12.00 sekondes in die 70m hekkies. Beide Zuan en Wian het reeds vroeg in die 2022 atletiekseisoen hulle persoonlike beste tye in hulle onderskeie items verbeter en sien uit na nog ‘n skitterende seisoen op die baan.