Die 2026 Goiat van Gat Pampoenfees sal op 14 Maart by die Lavender Kontrei Mark in Wonderboom gehou word. Die fees word die afgelope 22 jaar georganiseer deur Cullinan Boere-unie (TLU SA). Deelnemers is reeds hard aan die werk om ‘n kans te staan vir die R35 000 prys geborg deur Laeveld Agrochem vir ’n 1-ton pampoen. Benewens hierdie groot prys, is daar ook verskeie ander kategorieë, waaronder die opwindende nuwe kompetisie vir jong, opkomende kwekers onder 16 jaar. Cornelis Bester, wenner van die afgelope twee jaar, het hom daartoe verbind om hierdie jong deelnemers deur die seisoen te ondersteun met raad en mentorskap.

Soos altyd wag daar by die 2026 fees pret vir die hele gesin, van kinderspeletjies en musiek tot stalletjies en die gewilde kompetisie met reusepampoene..

Die pampoenpitspoeg en die pampoenresies is van die groot hoogtepunte en sorg elke jaar vir baie vermaak. Daarbenewens is daar die pampoengeregkompetisie, waar belangstellendes hul gunsteling pampoengeregte kan inskryf. Steyn’s Culinary School tree as borg en beoordelaar op.

Ingeweegde pampoene by die pampoenfees word geskenk aan welsynsorganisasies vir verspreiding onder hulle in nood.