Probleme is vanoggend op die N12 gerapporteer met betogers wat die N12/R500-kruising naby Fochville blokkeer het.

Motoriste wat tussen Potchefstroom en Westonaria reis, is aangeraai om eerder van alternatiewe roetes soos die R501 deur Carletonville gebruik te maak.

Wetstoepassers is op die toneel.

Die protes gaan oor watertekorte met Rand Water wat watervoorsiening beperk het as gevolg van die munispaliteit se skuld aan die watervoorsiener.