Skande: So lê die pale op sypaadjies
Kragpale is in 'n haglike toestand, geroes en skeef met onooglike kabelkonneksies wat meer na 'n 'kraaines as iets anders lyk'. Onderhoud aan die kragpale word al vir die afgelope 30 jaar nie gedoen nie, sê rdl. De Jager. En die toestand van van die lamppale is eweneens so erg.
Krag- en lamppale in Parys is in ‘n haglike toestand. Geroes en skeef met onooglike kabelkonneksies wat meer na ‘n ‘kraaines as iets anders lyk’.
Onderhoud aan kragpale word al vir die afgelope 30 jaar nie gedoen nie, het DA rdl. Saal de Jager in ‘n onlangse skrywe aan die waarnemende munisipale bestuurder geskryf.
Hy het die skrywe gerig na aanleiding van die gevaar van kragpale en drade wat na ‘n onlangse storm op sypaadjies en in strate gelê het, en sê baie pale is geroes aan die onderkant en hang op genade aan elektriese drade.
Rdl. De Jager het in die skrywe gevra dat die dorp se elektriese infrastruktuur tot ramp verklaar moet word ten einde die hulp van ‘n derde party te kan bekom, omdat dit ‘duitdelik geword het dat dit die enigste manier is om Ngwathe te red.’
Die foto’s is Saterdagaand 23 Desember in die Saligna-woonbuurt geneem waar twee lamppale steeds op die sypaadjies lê. Ook in Allenbystraat lê ‘n lamppaal al vir weke op die sypaadjie.
