Parys is gereed vir die groot rugby- en netbalaksie wat van môre, Vrydag 22 Maart op die Hoërskool Parys se rugbyvelde en netbalbane sal gebeur tydens die Parys Namgola Sportweek wat tot Maandag 25 Maart hier aangebied word. Dit beloof uitstaande rugby- en netbalwedstryde met spelers van nie minder nie as 20 skole wat hier bymekaar  kom. ‘n Enorme finansiële inspuiting vir die dorp se ekonomie, maar ook vir plattelandse rugby.

Wedstryde sal  Vrydag (22 Maart) en Saterdag (23 Maart) om 09:00 begin en eindig die program op die twee dae om 21:00.

Rugbyprogram:

Maandag 25 Maart se program begin reeds 08:00 en eindig 14:00.

Netbalprogram:

Altesaam 30 rugbywedstryde en 27 netbalwedstryde sal op die Hoërskool Parys se sportterrein gespeel word.

Dit is ‘n uitstekende geleentheid om hierdie seuns en dogters te kom ondersteun en te sien watter talent daar onder hierdie jong spelers is. Die week het oor jare sedert dit die eerste keer in 2014 aangebied is, bewys hoeveel baat spelers vind by die afronding en vaardigheidsontwikkeling voor die aanvang van die rugby- en netbalseisoen.

Skole wat vanjaar deelneem sluit in New Horizon College Bethlehem, Kempton Panorama, New Horizon College Harrismith, Riebeeckstad, President Steyn, Heilbron, Ladybrand, Reddersburg, Zeerust, HTS Carel de Wet, Brandfort, Bothaville, Hoopstad, Balfour, Die Ankerskool, Sasolburg Hoër, Parys, Retief, Zastron en Morgenzon.

Al die wedstryde van die rugbyweek word deur uitgesoekte Valke-skeidsregters hanteer. Die wedstryde sal ook regstreek deur Super Sport Schools uitgesaai word.

Toegang kos R20 per volwassene per dag, en R10 vir skoliere per dag. Daar sal ook ‘n verskeidenheid van verversings by die stalletjies op die terrein verkoop word.