News
Skade groot aan pad nadat diesel tenkwa aan die brand slaan
Motoriste wat die roete moes ry is Donderdag aangeraai om waar moontlik alternatiewe roetes te volg toe die pad vir ure lank gesluit was vir opruimingswerk op die toneel.
Skade aan die teervlak op die R59 tussen Parys en Vredefort is groot nadat ‘n diesel tenkwa net voor 06:00 Donderdagoggend aan die brand geslaan het. Die pad was teen 18:00 Donderdagaand weer oop vir verkeer.
Dringende aandag sal egter gegee moet word om die pad te herstel na die skade.
Die foto’s van die brandende diesel tenkwa is vroeg Donderdagoggend geneem.
Die Parys en Vredefort SAPD asook die Ngwathe Brandweerdiens was vinnig op die toneel om bystand te verleen en het boere van die distrik die situasie gemonitor om seker te maak dat die veld naby die wrak nie ook brand nie.
‘n Eskom-paal het ook gebrand maar is die brand by die paal vinnig geblus, en het Eskom die lyn afgeskakel vir veiligheid.
At Caxton, we employ humans to generate daily fresh news, not AI intervention. Happy reading!
Stay in the know. Download the Caxton Local News Network App here.
