Ses kleppe by Vaaldam sal om 12:00 vanmiddag oopgemaak word om gelydelik die uitvloei by die dam te verhoog na net meer as 200 kubieke meter per sekonde. Daar is steeds een sluis oop by Vaaldam.

Vaaldam staan nou op 107,43% met invloei gemeet teen 216,45 kubieke meter per sekonde.

Uitvloei by Bloemhofdam word ook gelydelik verhoog en sal uitvloei vanaf 10:00 vanoggend 400 kubieke meter per sekonde wees.

Bloemhofdam is nou 99,97 % vol.

Uitvloei by Barrage word gemeet teen 177,136 kubieke meter per sekonde.

Vaaldam – die verskil tussen kleppe en sluishekke:

Daar is dikwels by die publiek verwarring oor kleppe en sluise by Vaaldam. Agt kleppe is aan die onderkant van die dam en is altyd oop om ‘n natuurlike vloei te verseker.  Daar word altyd water by die Vaaldam uitgelaat soos nodig vir gebruikers stroomaf en ter wille van ekologiese vloei. Die kleppe kan ook gebruik word om uitvloei by die dam te verhoog.  Sluishekke daarenteen is aan die bokant van die damwal en word oopgemaak soos nodig om beduidend meer water uit te laat slegs en wanneer nodig om hoë vloei deur die sisteem toe te laat. Die sluishekke sal of oop, of toe wees.

Let wel dat daar nie tans sluise by Vaaldam oop is nie.

Vaal Barrage het ook sluishekke en kan beheer word in terme van hoe groot dit oopgemaak word. Sodoende is daar beheer oor hoeveel water by Barrage uitgelaat word.

(Dank aan Marc de Fontaine, Reënval in SA Facebook-groep vir dié inligting).