Parys-ringtennisklub se spelers het behoorlik uitgestaan by die naweek se SA Enkel Ringtennis-kampioenskappe in Pretoria. Van die moontlike 30 medaljes, het dié klub se spelers tien medaljes ingepalm.

Die o16-span waarvan Caldon Bampa, Dewald Meyer en Etheon Bampa deel was, het skoonskip gemaak met goud, silwer en brons onderskeidelik. In die o13-afdeling wen Aneri du Toit goud en Aviël Viljoen silwer.

Declan Bampa het ‘n silwermedalje vir o13 ontvang, en Melissa Meyer goud vir o16.

By die o21’s spog Lené van der Merwe met goud, en Braidon Barnardo met brons. Esther Goosen het na afloop van die Veterane Dames-kragmeting ‘n bronsmedalje huis toe gebring.

Spanne van Sedibeng, Gauteng-Sentraal, Gauteng-Noord en Limpopo het deelgeneem.