Joburg Ballet besoek Sasolburg met onvergeetlike danservaring

"Ons is opgewonde om Joburg Ballet se DreamScapes na Sasolburg te bring en vir nuwe gehore op te tree," sê Joburg Ballet se HUB, Elroy Fillis-Bell.

May 5, 2025

Liezl Scheepers 1 minute read

Darragh Hourrides Le -Sylphides, DREAMSCAPEs, Joburg Ballet 2025: Foto Lauge-Sorensen

Na ‘n bekroonde seisoen van DreamScapes by die Roodepoort Teater, neem Joburg Ballet hierdie drieledige vertoning van die beste in ballet na die Etienne Rousseau Teater in Sasolburg.

“Ons is opgewonde om Joburg Ballet se DreamScapes na Sasolburg te bring en vir nuwe gehore op te tree,” sê Joburg Ballet se HUB, Elroy Fillis-Bell.

DreamScapes verweef die tydlose skoonheid van Les Sylphides, ‘n diepgewortelde spirituele narratief in Kitty Phetla se nuwe werk, The Underworld & Elsewhere, en die lewenskragtigheid en aangrypende krag van menslike veerkragtigheid in Dane Hurst se nuwe werk, Resonance.

Saam vorm hierdie werke ‘n ryk tapisserie van tradisie, identiteit en kreatiewe verkenning, wat gehore ‘n onvergeetlike danservaring bied wat die grense van realiteit oorskry.

Die uitstaaande balletvertoning by die Etienne Rousseau Teater kan gesien word op Saterdag 10 Mei en Sondag 11 Mei om 14:00.

Kaartjies kos R150 – R200. Bespreek by www.ertickets.com

At Caxton, we employ humans to generate daily fresh news, not AI intervention. Happy reading!

May 5, 2025

Liezl Scheepers 1 minute read

Liezl Scheepers

Liezl Scheepers is editor of the Parys Gazette, a local community newspaper distributed in the towns of Parys, Vredefort and Viljoenskroon. As an experienced community journalist in all fields for the past 30 years, she has a passion for her community, and has been actively involved in several community outreach projects as part of Parys Gazette's team.