Parys-muurbalklub spelers het die afgelope naweek teen die room van die land se muurbalspelers meegeding in die SA Junior Top 16 Geslote kampioenskappe wat in Parkview, Johannesburg gehou is. Slegs die top agt Suid-Afrikaanse muurbalspelers in elke ouderdomsgroep van die Noord en Suid Ope-toernooie is genooi na die Top 16 kragmeting.

Beide Duvan du Toit en Micke Prinsloo het na afloop van die SA-toernooi gespog met vyfde plekke in hul onderskeie o.13 afdelings, terwyl Dahlia Rust en Lexi Cilliers elk ‘n 14de plek in die o.15 en o13 afdelings ingepalm het. Jasmaine Rust het die kroon gespan met brons in die o17 afdeling.