Die dodetal van Donderdagaand 30 Julie se busongeluk op die N1-hoofweg noord van Trompsburg in die Vrystaat, het intussen gestyg tot 12.

Volgens Mondli Mvambi, woordvoerder van die Departement van Gesondheid in die Vrystaat, was die bus van Kaapstad na Zimbabwe onderweg toe dit omgeslaan het. Die oorsaak van die ongeluk is nog nie bekendgemaak nie.

Mvambi sê 66 pasiënte is per ambulans van die toneel vervoer waarvan 65 na die Albert Nzulu hospitaal geneem is, en 1 na die trauma-eenheid van die Pelonomi-hospitaal.

Van die pasiënte het 57 minder ernstige beserings, vier is kritiek beseer en vyf is ernstig beseer.

Onder die oorledenes is ook vyf kinders.