Dag twee van die INGCO Parys 400 kragmeting in vanjaar se SA Rally Raid-kampioenskap neem die spanne oor ‘n 221,45km roete deur ‘n mengsel van modderige gedeeltes, oop grasvelde en die tipiese Vrystaatse mielieland-terrein. Die roete kronkel in die rigting van die Weiveld-graansilo’s en die Boerevereniging-saal voordat dit die R82 bereik en via Dover-treinstasie terugkeer na die eindpunt naby die N1.

Na ‘n verpligte diensbreek van 30 minute by Stonehenge, sal deelnemers dieselfde fase vir ‘n tweede keer aanpak, wat die verhoog skep vir ‘n intense stryd om die algehele eerbewyse. “Hierdie fases bied ‘n uitstekende kombinasie van vinnige en tegniese uitdagings,” sê SA Rally-Raid se uitvoerende hoof, Archie Rutherford.

Bestuurders en navigators sal deurgaans skerp moet bly, want klein foute kan hulle vinnig duur te staan kom.”

Vanoggend se aksie begin met die seremoniële vertrek vanaf Stonehenge om 08:00 voordat deelnemers na die beginpunt van Fase Twee, net anderkant die N1-brug, vertrek waar daar om 08:30 weggespring word..

So lyk die dag se program

Gratis toegang

Toegang by Stonehenge en aangewese uitkykpunte rondom Parys is gratis, met kosstalletjies en regstreekse kommentaar wat vir die hele gesin ‘n dag vol vermaak beloof.

Volg die aksie

Motorsportentoesiaste kan ook regstreekse opsporing en uitslae via die RallySafe-toepassing (gratis beskikbaar op iStore en Google Play) volg en op hoogte bly van nuus, foto’s en video’s op die Suid-Afrikaanse Rally-Raidkampioenskap se sosiale media kanale.

So word daar vanoggend weggespring

Roete kaart

https://bit.ly/INGVOPARYS.MAP

Goeie toeskouerpunt om te wees is by die Weiveld-silo’s.