Die Lewenswetenskap leerders van Hoër Volkskool het met hulle afsluiting geleer hoe om kaas self te maak.

Die jaar is op ‘n hoë noot afgesluit deur ‘n lekker kaasbord voor te berei en sommer die kaas self te maak.

Hier is hoe om jou eie tuisgemaakte Mozzarella kaas te maak:

Toerusting:

• Groot Pot
• Lepel
• Handskoene, (opsioneel)
• Bakkies
• Kleefplastiek
• Termometer

Bestanddele:

• 2l Rou melk of gepasteuriseerde volroom melk
• 7 eetlepels wit gedistilleerde asyn
• 1/4 teelepel kaassout, skilferige seesout, kosher sout
• Water om te week

Metode:

• Gooi die melk in ‘n groot pot en plaas dit op die stoofplaat. Stel die hitte tussen medium-laag en medium. Hou aan om die melk saggies te roer sodat dit eweredig verhit word en ongeveer 46 °C bereik.
• Skakel die hitte af en voeg die asyn by. Roer die asyn vir sowat 30 sekondes sodat dit eweredig met die melk inmeng. Dit sal amper dadelik begin verdik
• Sit ‘n deksel op en laat dit vir 15 tot 20 minute sit.
• Versamel die wrongel deur ‘n lepel of spatel te neem en bring die wrongel eenkant teen die pot op om dit uit te haal.
• Plaas dit in ‘n bak.
• Gebruik baie skoon hande of dra handskoene om die wrongel liggies uit te druk sodat al die ekstra water uitkom.
• Hou aan om hierdie proses verskeie kere te herhaal, gebruik elke keer ‘n bietjie meer krag. Jy kan dit ook in die bak plaas en ‘n bietjie knie.
• As jy sout wil byvoeg, voeg dit nou by.
• Plaas die geperste bal kaas in ‘n mikrogolf-veilige bak. Verhit dit op hoog vir ongeveer 30 sekondes, kyk dan die temperatuur. Roer die kaas en verhit dit weer vir sowat 20 sekondes. Die temperatuur van die kaas moet ongeveer 71°C bereik.
• Nadat die kaas die regte temperatuur bereik het, begin rek en vou die deeg met ‘n lepel, dit sal warm wees. As daar enige vloeistof oorbly, gooi dit af. Skakel dan oor na jou hande wanneer dit genoeg afkoel om te hanteer.
• Vorm dit dan in ‘n bal en plaas dit vir ongeveer 10 minute in ‘n bak koel water. Voeg dan bietjie ys by om die water verder af te koel.
• Die kaas is klaar. Druk die kaas droog met ‘n papierhanddoek en eet dit. Of jy kan dit in kleefplastiek toedraai en in die yskas bêre vir latere gebruik, dit sal 1 tot 2 weke in die yskas hou. Rasper werk beter as die kaas regtig koud of gevries is. Geniet dit!