Die motorhuis van ’n huis in Rissikstraat het Saterdagaand omstreeks 18:30 aan die brand geraak.
Hoewel die eienaar geweier het om met die Herald te praat, word vermoed dat sweisvonke hout wat in die motorhuis gelê het aan die brand laat raak het. Die bejaarde eienaar van die huis het dadelik die brandweer ontbied wat die brand vinnig onder beheer gekry het.
Die polisie en ER24 was ook op die toneel, maar niemand is gelukkig in die voorval beseer nie. Nadat die brandweer die brand onder beheer gehad het, het hulle seker gemaak dat die rook uit die motorhuis trek deur die dak oop te kap.