Dr. Piet Croucamp van die NWU se sakeskool is gister (17 Mei) by Nampo deur ‘n besoeker geskel.

Dit na een van die gesprekke waarvan Croucamp vandeesweek deel is. Dié gesprekke word deur die NWU se sakeskool aangebied.

Volgens Netwerk24, het die man glo vir Croucamp, ‘n k-boetie genoem en hom die p-woord toegesnou waarna hy, sy foon uit sy hand geklap het. Croucamp het die man agterna gesit en gekonfronteer, hy het ook ‘n video van die konfrontasie gemaak.

In die video, vra Croucamp die man, watter soort mens is hy en dat hy hom nie eens ken nie.

Die man antwoord dan “Almal ken jou Piet jy is die grootste vyand vir die Afrikaanse nasie.”

Volgens Netwerk24, het Croucamp na die voorval gesê dat hy lank omgekrap was maar dat “‘n mens nie kan toelaat dat so ‘n voorval jou dag bederf nie”

Volgens Louis Jacobs, DIrekteur van korporatiewe kommunikasie by die NWU, wag die universiteit vir ‘n verslag oor die beweerde voorval.