Ju-hanie Wilken, ‘n leerling van Laerskool Rapportryer, het tydens die September skoolvakansie saam met die ander Springbok jukskeispelers na die Vrystaat, Kwa-Zulu Natal en Mpumalanga getoer en is onglangs in die Springbok Jukskeispan opgeneem.
Sy het baie goed in dié span gevaar en het hope planne vir die opkomende skoolvakansie.
Volgens die skakelbeampte van Laerskool Rapportryer, Roleen Olivier, gaan Ju-hanie tydens die Desember skoolvakansie aan die Suid-Afrikaanse Kampioenskappe in Kroonstad vir die Gauteng-Wesspan speel.
“Kort daarna gaan sy in Bloemfontein die Gauteng o.14 dogters span verteenwoordig,” vertel Roleen.
“Jukskei is haar passie en sy geniet elke oomblik van die sport. Ons wens haar sterkte toe met al die wedstryde gedurende die Desember skoolvakansie.”
