Die Indigo Helping Hand Foundation-tak in Randfontein gaan tydens dié feesseisoen nagenoeg 200 geskenke aan minderbevoorregtes uitdeel.

Die Indigo Christmas Shoebox-projek het met behulp van die publiek honderde geskenkpakkies vir minderbevoorregte kinders en bejaardes in Randfontein, Krugersdorp en Venterspos opgemaak. In baie gevalle sal dit die enigste Kersgeskenk wees wat hulle ontvang.

“Elke boks gaan aan iemand wat by ons geregistreer is. Ons het vir die skenker die naam en ouderdom van die persoon gegee en hulle kon die boks volmaak soos hulle goeddink. Ons het gevra dat hulle vir die kinders lekkergoed inpak, want ons glo mens moet lekkers in die feesseisoen eet. Verder kon mense klere, speelgoed, juwele en enige ander oulike produkte in hul boks pak,” het Demi van Wyk, administrasieklerk gesê.

Ons weet nie wat in die pakkies is nie, maar ons is seker dat elkeen ‘n hart sal kan blymaak.”

Volgens Annemarie Brink, die stigter, het Kylie Erasmus (Junior Mej Randfontein), Petite Chef Kookskool vir Kinders en Mac’s Krugersdorp-motorfietsklub uit hul pad gegaan om van dié projek ‘n sukses te maak.

Hulle hoop dat dit in 2019 sal groei sodat hulle vir meer mense ‘n onvergeetlike Kersfees kan gee.

“Dankie vir almal se borgskappe en die gemeenskap se goedgesindheid teenoor projekte soos dié. Ons wens elkeen ‘n geseënde Kersfees en ‘n voorspoede nuwe jaar toe,” het Annemarie gesê.

Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.

Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes 

Roodepoort Record

Krugersdorp News

Get It Joburg West Magazine

Besoek ook ons Facebook, Twitter en Instagram blaaie om jou stem te laat tel!